राज्यात एवढे दिवस थंडीची लाट कायम ; डॉ. मच्छिंद्र बांगर यांच्या ताज्या हवामान अंदाजानुसार, सध्या देशातील हवामानावर उत्तर भारतात सक्रिय होत असलेल्या वेस्टर्न डिस्टर्बन्सचा (WD) मोठा प्रभाव दिसत आहे. एकापाठोपाठ येणाऱ्या या WD मुळे उत्तरेकडील काही राज्यांमध्ये बर्फवृष्टी होत आहे, ज्यामुळे उत्तर भारताकडून येणारी शीतलहर मध्य भारत आणि महाराष्ट्रात थंडीची लाट निर्माण करत आहे. या शीतलहरीमुळे महाराष्ट्रात (कोकण वगळता) थंडीचे प्रमाण लक्षणीय वाढलेले दिसत आहे. सध्या बंगालच्या उपसागराच्या दक्षिण टोकाला पावसाळी परिस्थिती असली तरी, ती समुद्राच्या अंतर्गत भागात असल्याने तिचा भारतीय हवामानावर फारसा परिणाम होत नाहीये.
महाराष्ट्रामध्ये सध्या निरभ्र आकाश असल्याने थंडी वाढण्यासाठी अनुकूल परिस्थिती तयार झाली आहे. ही थंडीची लाट अजून काही दिवस तरी कायम राहण्याची अपेक्षा आहे. त्यानंतर थंडीचे प्रमाण हळूहळू कमी होण्यास सुरुवात होईल.
