भांडी संच योजना १० वस्तूंचा संच : ऑनलाईन अर्ज प्रक्रिया ; महाराष्ट्र शासनाच्या बांधकाम कामगार कल्याणकारी योजनेअंतर्गत कामगारांना ‘अत्यावश्यक वस्तूंचा संच’ (Essential Kit) देण्याची नवीन योजना सुरू झाली आहे. या योजनेत पात्र कामगारांना त्यांच्या दैनंदिन वापरासाठी आवश्यक अशा एकूण १० वस्तूंचा संच दिला जातो. या संचासाठी ऑनलाईन अपॉइंटमेंट घेणे आवश्यक असून, अपॉइंटमेंटची प्रक्रिया पूर्ण केल्यावरच कामगारांना वस्तूंचे वितरण केले जाते.
हा संच कामगारांसाठी अत्यंत उपयुक्त असून, यात खालील महत्त्वाच्या वस्तूंचा समावेश आहे:
-
पत्र्याची पेटी (Tin Trunk)
-
प्लास्टिकची स्टई/टब (Plastic Container)
-
धान्य साठवणची दोन कोठी (एक २२ किलो क्षमतेची)
-
बेडशीट आणि चादर
-
ब्लँकेट
-
साखर आणि चहा पावडर ठेवण्यासाठी डब्बे
-
१८ लिटर क्षमतेचा वॉटर प्युरिफायर
या वस्तूंचा संच मिळवण्यासाठी कामगारांना ‘अत्यावश्यक संच वितरण’ या अधिकृत संकेतस्थळावर जाऊन ऑनलाईन अपॉइंटमेंट घ्यावी लागते. अर्जाची प्रक्रिया सुरू करण्यासाठी कामगारांना त्यांचा ‘बीओ सीडब्ल्यू कामगार नोंदणी क्रमांक’ (BOCW Registration Number) आवश्यक आहे. हा नोंदणी क्रमांक महा बीओ सीडब्ल्यू पोर्टलवर आधार क्रमांक आणि मोबाईल नंबर वापरून लॉग-इन केल्यानंतर प्रोफाइलमध्ये उपलब्ध होतो.
नोंदणी क्रमांक प्राप्त झाल्यावर तो एसेंशियल किटच्या संकेतस्थळावर टाकून मोबाईलवर आलेल्या ओटीपीद्वारे (OTP) माहिती सत्यापित करावी लागते. त्यानंतर कामगारांची वैयक्तिक माहिती तपासल्यानंतर त्यांना खालील टप्पे पूर्ण करावे लागतात: १. त्यांच्या जिल्ह्यानुसार उपलब्ध असलेले वितरण शिबिर (Camp) निवडावे लागते. २. त्यानंतर उपलब्ध तारखांमधून सोयीची अपॉइंटमेंटची तारीख निवडावी लागते. जर उपलब्ध कोटा संपलेला असेल, तर कामगारांनी १५ दिवसांनी पुन्हा प्रयत्न करावा.
तारीख निवडल्यानंतर ‘अपॉईटमेंट प्रिंट करा’ या पर्यायावर क्लिक करून पावतीची प्रिंट किंवा स्क्रीनशॉट घेणे अनिवार्य आहे. ही प्रिंट/पावती आणि आधार कार्ड सोबत घेऊन निश्चित केलेल्या तारखेला, निश्चित पत्त्यावर (शिबिराच्या ठिकाणी) जाऊन कामगार आपला अत्यावश्यक वस्तूंचा संच प्राप्त करू शकतात.
